|
|
||
|
338 MEMOIRES DE PIERRE DE L'ESTOILE.
sur lesquelles le cardinal Pel ve opinant, dit quil estoit d'avis de les brusler. A <Iuoi contredist fort M. de Villeroy, et les autres s'en mocquerent ; et fust dit assez haut qu'il ne se trouveroit point d'homme bien sage qui fust de l'opinion de M. le cardinal.
Le mardi deuxieme de ce mois-, jour de la Chandeleur, Gommolet crioit dans Saint-Berthelemi : « U « nous fault un Ahod, ung Jeh u. Oui, oui, mes amis, « il le fault.fust il clerc, fust il soldat, fust il huguenot « mesme. »
Le jeudi quatrieme dudit mois, M. le légat entra en la salle en laquelle les députés pour les Estats estoient assemblés; auxquels il donna sa benediction, et à laquelle le duc de Maienne mist un genouil en terre, puis fist sa harangue en latin. Aprés parla le cardinal Pelvé, qui, poursuivant à se rendre ridicule, fust d'avis de renvoier les declarations du Roy à la Sorbonne, pour ce que c'estoit fait d'hérésie.
Ce jour, la sœur du curé de Saint Jacques, mariée à un procureur prés du Puis Certain, accoucha à Paris de deux enfans : l'un desquels estoit beau et bien formé, et l'autre un vrai monstre, qui n'avoit point de bras ne de jambes, mais seulement un grand nés comme une canne, etc. Incontinent ce monstre fust divulgué et presché à Paris, pour estre la figure du Bearnois; entre autres par Feu Ardant, cordelier, qui prescha publiquement que c'estoit le Bearnois, qui n'avoit ne bras ne jambes, c'est-à-dire ne force ne puissance que celle qu'on lui voudroit donner; au reste un nés long, mais de canne, qui fouiiloit tousjours la terre, et ne regardoit point le ciel.
Les Seize aussi, au lieu de couvrir l'honneur de la
|
||
|
|
||
|
Digitized by Google
|
||
|
|
||